घोटी । जाकीर शेख Ghoti
नागपूर -मुंबई समृद्धी महामार्गावरील इगतपुरी तालुक्यातील पिंपळगाव मोर येथील दारणा नदीच्या पुलावर भीषण अपघातात १ जण जागीच ठार झाला. बुधवार दि. २९ रोजी दुपारच्या सुमारास MH 05 BS 5164 ह्या वेरणा कारचालकाचे गाडीवरील नियंत्रण सुटल्याने गाडी बाजूच्या भिंतीला जाऊन जोरदार धडकली.
देशदूतच्या व्हाट्सॲप ग्रुपला जॉईन होण्यासाठी लिंकवर क्लिक करा
जोरदार धडकलेल्या या अपघातात वाहनचालकाचा मृत्यू झाला असून २ महिला आणि १ पुरुष असे ३ जण गंभीर जखमी झाले आहेत. अपघाताची माहिती समजताच महामार्ग पोलीस केंद्र घोटीचे पोलीस कर्मचारी व घोटी पोलीस ठाण्याचे पोलीस हवालदार सागर सौदागर, गौरव सोनवणे हे तात्काळ घटनास्थळी दाखल झाल्यानंतर त्यांनी जखमी व्यक्तींना तत्काळ समृद्धी महामार्गाच्या रुग्णवाहिकेद्वारे धामणगाव येथील एसएमबीटी हॉस्पिटलमध्ये उपचारासाठी दाखल करण्यात आले आहे.
या अपघातातील जखमी व्यक्तींची नावे समजली नसून याबाबत पुढील तपास घोटी पोलीस पथकाकडून करण्यात येत आहे.
