मुंबई | प्रतिनिधी Mumbai
राज्यातील बारामती आणि राहुरी विधानसभा मतदारसंघाच्या पोटनिवडणुकीसाठी गुरुवारी शांततेत मतदान पार पडले. भारत निवडणूक आयोगाने दिलेल्या माहितीनुसार बारामतीत ५७.४८ टक्के तर राहुरीत ५५.३१ टक्के मतदान झाले.
उपमुख्यमंत्री अजित पवार आणि भाजपचे आमदार शिवाजीराव कर्डिले यांच्या निधनामुळे रिक्त झालेल्या अनुक्रमे बारामती,राहुरी विधानसभा मतदारसंघासाठी आज पोटनिवडणूक घेण्यात आली. पोटनिवडणुकीत तुलनेने कमी मतदान होते. मात्र, या पोटनिवडणुकीत निम्म्याहून अधिक मतदारांनी आपला मतदानाचा हक्क बजावला.
बारामतीत राष्ट्रवादी काँग्रेस अजित पवार गटाच्या उमेदवार सुनेत्रा पवार यांच्यासह २३ उमेदवार निवडणूक लढवत आहेत. तर राहुरीत भाजपच्या अक्षय कर्डिले आणि राष्ट्रवादी काँग्रेस शरद पवार गटाचे गोविंद मोकाटे यांच्यासह ७ उमेदवार रिंगणात आहेत. या दोन्ही पोटनिवडणुकीची मतमोजणी ४ मे २०२६ रोजी हाती घेऊन निकाल जाहीर केला जाणार आहे.
