वीज कोसळल्याने शेतमजूर जागीच ठार

अडावद ता.चोपडा – वार्ताहर

येथून जवळच असलेल्या लोणी ता.चोपडा येथील ३५ वर्षीय शेतमजूर खर्डी शिवारातील एका शेतात केळी लागवड करीत असताना आज दुपारी २ वाजेच्या सुमारास वीज कोसळून जागीच गतप्राण झाल्याची घटना घडली.

लोणी येथील शिवाजी चैत्राम कोळी वय ३५ हा आज दि.१५ मंगळवार रोजी खर्डी शेत शिवारातील इच्छापुर शिवारातील शेतात केळी खोडाची लागवड करण्यासाठी गेलेला असताना दुपारी दोन वाजेच्या सुमारास अचानक वादळ वाऱ्यासह विजेच्या गडगडाट सुरू झाला त्यात शिवाजी कोळी यांच्या अंगावर वीज कोसळल्याने ते जागीच गतप्राण झाले.

त्यांच्या पश्चात पत्नी, दोन मुली, आई-वडील, दोन भाऊ असा परिवार होता. घरातील कर्ता पुरुष नैसर्गिक आपत्तीने गतप्राण झाल्याने सर्वत्र हळहळ व्यक्त होत आहे. याप्रकरणी अकस्मात मृत्यूची नोंद करण्यात आलेली आहे.