धुळे ।dhule । प्रतिनिधी
मुंबई-आग्रा महामार्गावरील शहरातील वरखेडी ब्रिजजवळ भरधाव दुचाकीने (speeding two-wheeler) पादचारी तरूणाला (young pedestrian) जबर धडक दिली. त्यात सेंधवा येथील तरूण ठार (killed) झाला. हा अपघात काल पहाटेच्या सुमारास झाला. याप्रकरणी दुचाकी चालकावर गुन्हा दाखल करण्यात आला आहे.
मांगीलाल सखाराम पवार (वय 35 रा. 9 पटेल फाल्याफाल्या घुडचल पो.महितगाव, सेंधवा जि. बडवाणी, मध्यप्रदेश) असे मयत तरूणाचे नाव आहे. त्यास वरखेडी ब्रिजजवळ काल दि. 23 रोजी पहाटे तीन वाजेच्या सुमारास धुळ्याहून शिरपूरकडे एमएच 18 बीएफ 1120 क्रमांकाच्या भरधाव दुचाकीस्वाराने जोरदार धडक दिली. त्यात गंभीर जखमी होवून तरूणाचा मृत्यू झाला. अपघातानंतर दुचाकीस्वार पळून गेला. याबाबत सखाराम बातरीया पवार यांनी दिलेल्या फिर्यादीनुसार दुचाकी चालकावर आझादनगर पोलिस ठाण्यात गुन्हा दाखल करण्यात आला. पोहेकाँ जाधव पुढील तपास करीत आहेत.
