धुळे ।dhule। प्रतिनिधी
मुंबई-आग्रा महामार्गावरील कुंडाणे फाट्यावर गो तस्करी (cow smuggling) करणार्या वाहनाला अपघात (Vehicle accident) झाला. त्यात तीन गोर्हे ठार (killed) झाले. तर चार जखमी झाले आहेत. अपघातप्रकरणी तिघांवर गुन्हा (crime) दाखल झाला आहे.
कुंंडाणे फाट्यावर दि.30 मार्च रोजी मध्यरात्री 1.15 वाजेच्या सुमारास भरधाव जाणार्या पिकअप वाहनावरील (क्र.एम.एच.45 /3593) चालकाचा ताबा सुटल्याने वाहन रोड लगत असलेल्या खड्ड्यात जावून उलटले. या वाहनातुन गुरे तस्करी होत होती. अपघातात वाहनातील तीन गोर्हे ठार झाले. तर चौघे जखमी झाले. अपघाताची माहिती मिळताच देवपूर पोलिस ठाण्याचे कर्मचारी घटनास्थळी दाखल झाले. त्यांनी 1 लाख रुपये किंमतीच्या वाहनासह 13 हजार रुपये किंमतीची गुरेे असा एकुण एक लाख 13 हजाराचा मुद्देमाल जप्त केला.
याप्रकरणी पोना राजेंद्र हिवरकर यांच्या फिर्यादीवरुन वाहन चालक सलमान शेख सलीम (रा.आंबेडकर चौक देवपुर, धुळे), शाहरुख बेग रसुल बेग (रा.आंबेडकर चौक, देवपूर, धुळे) व एक अनोळखी इसमावर गुन्हा दाखल झाला असून तपास पोहेकॉ मोरानीस करीत आहेत.
