राहुरी |तालुका प्रतिनिधी| Rahuri
राज्याचे कृषी आयुक्त डॉ.प्रवीण गेडाम यांनी महात्मा फुले कृषी विद्यापीठाला सदिच्छा भेट दिली. यावेळी त्यांनी मध्यवर्ती परिसरातील विविध संशोधन प्रकल्पांना भेटी देऊन संशोधनाविषयीची माहिती जाणून घेतली.
याप्रसंगी विस्तार शिक्षण संचालक डॉ. सी.एस. पाटील, कुलसचिव विठ्ठल शिर्के, पुणे कृषी विभागाचे सहसंचालक रफिक नाईकवडी, सहयोगी संशोधन संचालक डॉ.राजेंद्र वाघ, अहमदनगरचे आत्मा प्रकल्प संचालक विलास नलगे, प्रसारण अधिकारी डॉ. पंडित खर्डे, आत्मा उपसंचालक राजाराम गायकवाड, तालुका कृषी अधिकारी बापूसाहेब शिंदे, मंडल कृषी अधिकारी अशोक गिरगुणे उपस्थित होते. यावेळी डॉ. आनंद सोळंके, डॉ.भगवान ढाकरे, डॉ. उल्हास सुर्वे, डॉ. जितेंद्र ढेमरे, डॉ. बाबासाहेब सिनारे, डॉ. धनश्री पाटील, डॉ. कल्पना दहातोंडे व डॉ. कैलास गागरे या शास्त्रज्ञांनी प्रकल्पांबाबतची माहिती दिली.
भाजीपाला सुधार प्रकल्पाच्या प्रक्षेत्रावर ड्रोन फवारणीचे प्रात्यक्षिक दाखविण्यात आले. याप्रसंगी ड्रोनद्वारे औषध फवारणी संबंधीची माहिती डॉ. सी.एस. पाटील व डॉ. सचिन नलावडे यांनी दिली. कृषी आयुक्तांनी यावेळी विद्यापीठामध्ये होत असलेल्या संशोधनाबाबत समाधान व्यक्त केले.
