श्रीगोंदा |प्रतिनिधी| Shrigonda
श्रीगोंदा दौंड महामार्गावर (Shrigonda Daund Highway) घारगाव ते कोळगाव दरम्यान माऊली मंदिरा जवळपहाटे तीन वाजण्याच्या सुमारास मालट्रक आणि कारची समोरा समोर धडक होऊन झालेल्या भीषण अपघातात (Car and Truck Accident) चार जणांचा मृत्यू झाला आहे.
यात कारचा चालक नितीन अनिल कोकाटे (रा. काष्टी वय 22) याच्यासह गाडीतील गजानन जनार्धन पायघन (वय 47), दुर्पा गजानन पायघन (वय 36), वैभव गजानन पायघन (वय 19) या आई-वडील आणि मुलाचा मृत्यू (Death) झाला असून त्या कुटुंबातील करण गजानन पायघन (वय 13) हा मुलगा गंभीर जखमी (Injured) असून त्याच्यावर उपचार सुरू आहेत. पायघन कुटुंबीय हे अकोला (Akola) जिल्ह्यातील पातूर तालुक्यातील मळतूर (Maltur) येथील मुळ राहणारे आहेत.
कामानिमित्त ते सध्या श्रीगोंदा (Shrigonda) तालुक्यातील चिंभळे गावात राहत होते. काष्टी (Kashti) येथील मयत चालक नितीन कोकाटे यांना घेऊन ते गावी गेले होते. आज ते त्यांच्या गावाकडून चिंभळे गावाकडे येत असतांना पहाटे तीन वाजण्याच्या सुमारास कोळगाव शिवारात माऊली मंदिर परिसरात दौंडकडून नगरकडे (Ahilyanagar) जाणार्या ट्रकची घारगावच्या (Ghargaon) दिशेने येणार्या इको कारला समोरून जोराची धडक बसली यात चार जणांचा मृत्यू झाला आहे. सदर घटनेमुळे परिसरात हळहळ व्यक्त होत आहे. बेलवंडी पोलिसांनी घटनास्थळी धाव घेऊन पुढील कार्यवाही केली.
