अहिल्यानगर |प्रतिनिधी| Ahilyanagar
अहिल्यानगर- मनमाड महामार्गावरील (Ahilyanagar Manmad Highway) सावेडी नाका परिसरात गुरूवारी (26 फेब्रुवारी) सायंकाळी भीषण अपघात (Accident) घडला. भरधाव वेगाने येणार्या स्कार्पिओ वाहनाने समोर असलेल्या तीन वाहनांना जोरदार धडक (Hit) दिल्याने मोठे नुकसान झाले असून या अपघातात दोघे जखमी झाल्याची नोंद तोफखाना पोलीस ठाण्यात रात्री झाली होती. आणखी दोन ते तीन जण जखमी झाल्याची माहिती आहे.
- Advertisement -
तोफखाना पोलीस ठाण्यात सायंकाळपर्यंत रूग्णालयाकडून प्राप्त झालेल्या माहितीवरून दोघे जखमी असल्याची नोंद करण्यात आली होती.
दरम्यान, अपघातामुळे मनमाड महामार्गावर काही काळ वाहतूक ठप्प झाली होती. दोन्ही बाजूंनी वाहनांच्या रांगा लागल्या होत्या. पोलिसांनी तत्काळ वाहतूक सुरळीत केली.
