अहमदनगर |प्रतिनिधी| Ahmednagar
- Advertisement -
काल सोमवारी नगर शहरासह श्रीरामपूर, संगमनेर, कोपरगाव, राहुरी व अन्य भागात काही ठिकाणी मुसळधार तर काही ठिकाणी रिमझीम पाऊस झाला. हवामान खात्याकडून नगर जिल्ह्यात 23 ते 28 सप्टेंबरपर्यंत यलो अलर्ट दिला आहे. काल दिवसभर अधूनमधून ढगाळ हवामान होते.
पण त्यानंतर सायंकाळनंतर विविध भागात विजांच्या कडकडाट आणि ढगांच्या गडगडाटात पाऊस सुरू झाला. नगर शहर, तालुका, श्रीरामपूर शहर, उक्कलगाव,बेलापूर, अशोकनगर, हरेगाव,मातापूर, संगमनेर शहर व तालुक्याच्या विविध भागात तसेच राहुरी शहर व तालुक्यात काही ठिकाणी मुसळधार तर काही ठिकाणी मध्यम स्वरूपाचा पाऊस झाला.
