वर्ल्ड टेस्ट चॅम्पियनशिप २०२३ च्या अंतिम सामन्यासाठी सर्वच चाहता वर उत्सुक झाला आहे.
प्रत्येकजण या सामन्याची आतुरतेने वाट पाहत आहे.
रोहित शर्माच्या नेतृत्वाखालील भारतीय क्रिकेट संघ आणि पॅट कमिन्सच्या नेतृत्वाखालील ऑस्ट्रेलियन संघ WTC च्या अंतिम फेरीत आमनेसामने येणार आहेत.
७ जून रोजी हा अटीतटीचा सामना लंडनमधील ओव्हल मैदानावर होणार आहे.
या सामन्यापूर्वी टीम इंडियाने कसोटीची जर्सी घालून फोटोशूट केले आहे. याबाबतची माहिती स्वत: आयसीसीने ट्विट करुन दिली आहे.
या फोटोशूटमध्ये भारतीय संघाचा कर्णधार रोहित शर्मापासून विराट कोहलीपर्यंतची संपूर्ण टीम दिसत आहे.
भारतीय संघाच्या या फोटोशूटमध्ये सर्व खेळाडू खूपच आक्रमक दिसत आहेत.
भारतीय संघाच्या या फोटोशूटचे फोटो सध्या सोशल मीडियावर मोठ्या प्रमाणात व्हायरल होत आहेत.
तसेच हे फोटो चाहत्यांना खूप आवडत आहेत.
वर्ल्ड टेस्ट चॅम्पियनशिप २०२३ च्या अंतिम सामन्यासाठी भारतीय संघाने केएस भरत आणि इशान किशन या दोन यष्टीरक्षकांची निवड केली आहे.
दोन्ही खेळाडू जबरदस्त आहेत. दोघांपैकी अंतिम सामन्यात नेमकं कोण खेळणार हे सांगणे कठीण आहे.
कारण दोन्ही खेळाडू आपापल्या जागी अगदी शानदार आहेत.
अशा परिस्थितीत काही दिग्गज खेळाडू ईशान किशनला साथ देत आहेत.
मात्र भरतला खेळवण्याची अधिक शक्यता आहे.
वर्षाच्या सुरुवातीला ऑस्ट्रेलियाविरुद्धच्या ४ सामन्यांच्या कसोटी मालिकेतही त्याने विकेट राखली होती.
