भंडारदरा |वार्ताहर| Bhandardara
नगर जिल्ह्याची जिवनदायिनी असलेल्या भंडारदरा पाणलोटात गत तीन दिवसांपासून मान्सून सक्रिय झाला असून धिम्या गतीने का होईना नवीन पाण्याची धरणात आवक होत असल्याने अखेर काल सोमवारी रात्री उशीरा या धरणातील पाणीसाठा 65 टक्क्यांवर पोहचला. 11039 दलघफू क्षमतेच्या या धरणात काल सायंकाळी 7161 दलघफू (64.87 टक्के) पाणीसाठा झाला होता.
- Advertisement -
रात्री उशीरा यात वाढ होऊन साठा 65 टक्के झाला. काल सकाळी संपलेल्या 24 तासांत धरणात नव्याने 86 दलघफू पाणी नव्याने दाखल झाले. निळवंडे धरणातही धिम्या गतीने पाणी येत आहे. 8330 दलघफू क्षमतेच्या या धरणात पाणीसाठा 2968 दलघफू (35.61टक्के) झाला आहे.
