भंडारदरा |वार्ताहर|Bhandardara
उत्तर नगर जिल्ह्याची जीवनदायिनी असलेल्या भंडारदरा पाणलोटात शनिवारी रात्री पाऊस झाल्याने धरणात नव्याने 22 दलघफू नवीन पाण्याची आवक झाली. त्यामुळे 11039 दलघफू क्षमतेच्या भंडारदरात 1167 दलघफू पाणीसाठा झाला होता. आतापर्यंत धरणात 122 दलघफू पाणी नव्याने दाखल झाले आहे.
- Advertisement -
तीन चार दिवस पाऊस गायब झाल्यानंतर मान्सून शनिवारी सक्रिय झाला होता. शनिवारी भंडारदरात 17 मिमी पावसाची नोंद झाली. काल सायंकाळी संपलेल्या 24 तासांत धरणात नव्याने 22 दलघफू पाणी आले. वाकी तलावातही पाणी साठा वाढत आहे. 112 दलघफू क्षमतेच्या या तलावात काल सायंकाळी 49.85 दलघफू पाणीसाठा होता. काल रविवारी पाणलोटात ढगाळ वातावरण होते.
