भंडारदरा, कोतूळ |वार्ताहर| Bhandardara
उत्तर नगर जिल्ह्याचे जिवनदायिनी भंडारदरा आणि निळवंडे धरण तुडूंब असून काल सोमवारी श्रावणसरींचा जोर वाढल्याने धरणातून पाणी आणखी सोडण्यात येण्याची शक्यता आहे. मुळा धरणात पाण्याची हळूवार आवक होत असून 26000 दलघफू क्षमतेच्या या धरणात काल सायंकाळी पाणीसाठा 23371 दलघफू साठा झाला होता. रात्री उशीरा या धरणातील पाणीसाठा 90 टक्क्यांवर गेला होता. कोतूळ येथील मुळा नदीचा विसगर 4429 क्युसेक होता.
- Advertisement -
11039 दलघफू क्षमतेच्या भंडारदरातील पाणीसाठा काल सायंकाळी 11000 दलघफू होता. पाऊस सुरूच असल्याने धरणातून 4279 क्युसेकने पाणी सोडण्यात येत आहे. निळवंडेतील पाणीसाठा 8282 दलघफू (99.38 टक्के) आहे. या धरणातून प्रवरा नदीत 4065 क्युसेकने सुरू होता.
