‘भाजयुमो’च्या प्रदेश कार्यकारणी सदस्यपदी अंकित संचेती

नाशिक । प्रतिनिधी

भारतीय जनता युवा मोर्चा महाराष्ट्र प्रदेश सदस्यपदी अंकित संचेती यांची नियुक्ती करण्यात आली आहे.

प्रदेशाध्यक्ष विक्रांत पाटिल यांनी पत्र जारी करुन ही नियुक्ति केली. संघटन कौशल्याच्या जोरावर राज्यभरात युवा मोर्चा संघटन वाढवणे व युवकांच्या प्रश्नांना वाचा फोडून त्यांना न्याय देणे ही जबाबदारी संचेती यांच्यावर सोपविण्यात आली आहे.

संचेती यांनी यापुर्वी प्रधानमंत्री जनकल्याणकारी योजना प्रचार प्रसार अभियानाचे राष्ट्रिय महासचिव (युवा) म्हणून जबाबदारी सांभाळली आहे. या व्यतिरिक्त जैन आर्गनायजेशनशी जुळलेले असून ते सामाजिक कार्य करत आहे.

आॅल इंडिया जैन काॅन्फरन्सचे युवा राष्ट्रिय सचिव म्हणून ते कार्यरत आहे. त्यांची भाजपच्या युवा मोर्चा प्रदेश कार्यकारणी सदस्यपदी नियुक्ति झाल्याने अभिनंदन केले जात आहे.