मुंबई । प्रतिनिधी Mumbai
- Advertisement -
विधान परिषदेच्या उपसभापती डॉ. नीलम गोऱ्हे यांना कॅबिनेट मंत्रिपदाचा दर्जा देण्यात आला आहे. या निर्णयानुसार डॉ. गोऱ्हे यांना आता कॅबिनेट मंत्र्यांसाठी असलेल्या सर्व सेवा सुविधा मिळणार आहेत.
डॉ. गोऱ्हे या २००२ पासून विधानपरिषदेच्या सदस्या आहेत. सध्या त्यांची सदस्यत्वाची चौथी टर्म सुरू असून २०१९ मध्ये त्यांची विधानपरिषदेच्या उपसभापतीपदी निवड झाली. जुलै २०२२ पासून विधानपरिषदेचे सभापतिपद रिक्त असल्याने या पदाचा कार्यभार डॉ. गोऱ्हे यांच्याकडे आहे.
