धुळे । प्रतिनिधी dhule
मुंबई-आग्रा महामार्गावरील लळींग गाव शिवारात बीएसएनएल टॉवरसमोरील गतीरोधकाजवळ भरधाव आयशरने दुचाकीला जोरदार धडक दिली. त्यात बालक ठार झाला. तर तीन जण जखमी झाले आहेत.
हा अपघात गुरूवारी सकाळी दहा वाजेच्या सुमारास झाला. येशीनाथ बुधा पाटील (वय 50) व दिलीप पंडीत खैरनार (वय 5 रा.मोघण ता.धुळे) हे दुचाकीने (क्र.एमएच 18/बीपी-1742) जात होते. यावेळी दुसर्या दुचाकीवर योगेश सुकदेव नेरकर (वय 41), दिपाली योगेश नेरकर (वय 35 रा.झोडगे ता.मालेगाव) हे दोघे जात असतांना भरधाव आयशर ट्रकने (क्र.एमएच 18/बीजी- 7313) दोघा दुचाकींना मागावून जोरदार धडक दिली. त्यात दिलीप खैरनार हा बालक गंभीर जखमी होवून जागीच ठार झाला. तर येशीनाथ पाटील, योगेश नेरकर व दिपाली नेरकर हे तिघे जखमी झाले. अपघातानंतर आयशर चालक पसार झाला. याप्रकरणी ज्ञानेश्वर पंडीत खैरनार यांनी मोहाडी पोलिसात दिलेल्या फिर्यादीवरुन आयशरवरील अज्ञात चालकाविरुध्द गुन्हा दाखल करण्यात आला आहे.
