मुंबई | प्रतिनिधी | Mumbai
जागतिक बाजारात क्रूड ऑईलचे दर (Rate) सातत्याने कमी होत असताना त्याचा फायदा देशातील जनतेला होत नाही. आज आंतरराष्ट्रीय बाजारात क्रूड ऑईल ६५ डॉलर प्रति बॅरल असताना देशात पेट्रोलचे दर १०९ रुपयाच्या आसपास तर डिझेलचे ९३ रुपयांच्यावर आहे. भाजप सरकार इंधनावर अवाजवी आणि अन्यायकारक झिजीया कर आकारून जनतेची लूट करत आहे, अशी टीका काँग्रेसचे प्रदेशाध्यक्ष हर्षवर्धन सपकाळ यांनी केली आहे. इंधनावर (Fuel) लावलेले कर (Tax) आणि सेस यासंदर्भात सरकारने श्वेतपत्रिका काढावी, अशी मागणीही त्यांनी केली.
केंद्र सरकारने (Central Government) पेट्रोल आणि डिझेलच्या अबकारी करामध्ये प्रति लिटर दोन रुपयांनी वाढ जाहीर केली आहे. या निर्णयावर आज सपकाळ यांनी टीका केली. डॉ. मनमोहनसिंह यांच्या नेतृत्वाखाली यूपीए सरकार (UPA Government) असताना आंतरराष्ट्रीय बाजारात क्रूड ऑईलचे दर १४५ डॉलर प्रति बॅरलवर पोहचले असतानाही देशात पेट्रोल ७० रुपये लिटर तर डिझेल ४५ रुपये लिटर होते. आता क्रूड ऑईल ६५ डॉलर आहे. तरीही पेट्रोल, डिझेलच्या किमती कमी केल्या जात नाहीत. युपीए सरकार असताना पेट्रोलवर ९.५६ रुपये तर डिझेलवर ३.४८ रुपये अबकारी कर होता. भाजप (BJP) सरकारने हा कर वाढवत ३२ रुपयांपर्यंत केला. इन्फ्रास्ट्रक्चर सेस आता १८ टक्के केला आहे. याशिवाय टोल वसुलीही सुरुच आहे. त्यामुळे यातील काळेबेरे काय ते समोर आले पाहिजे, असे सपकाळ म्हणाले.
रशिया भारताला (India) बाजारभावापेक्षा ३० टक्के कमी दराने क्रूड ऑईल देते. त्याचा थेट फायदा हा रिलायन्स आणि नायरा या दोन कंपन्यांना होतो. ह्या दोन कंपन्या सरकारच्या लाडक्या आहेत का? क्रूड ऑईलच्या किमती कमी होत असताना त्याचा फायदा जनतेला न होता ऑईल कपन्यांना होत आहे. स्वस्तातले क्रूड ऑईल घेऊन या कंपन्या युरोपमध्ये विकून नफेखोरी करत आहेत, असा आरोप सपकाळ यांनी केला. युपीए सरकार असताना पेट्रोल २ रुपयांनी वाढले तर ट्विट करणारे अमिताभ बच्चन, अक्षयकुमार सारखे सेलिब्रिटी आणि बाबा रामदेव सारखे स्वयंघोषित संत आता पेट्रोल १०९ रुपयांवर असतानाही गप्प आहेत. तर एलपीजी सिलिंडर (LPG Gas) १५ रुपयांनी वाढले असताना रस्त्यावर उतरणारे आता कोठे गायब झाले आहेत? असा सवाल हर्षवर्धन सपकाळ (Harshwardhan Sapkal) यांनी यावेळी केला.
