दिल्ली l Delhi
देशात गेल्या २४ तासात २० हजारांहून अधिक करोना पॉझिटिव्ह रुग्ण सापडले आहेत. त्यामुळे रुग्णांची संख्या आज पुन्हा एकदा वाढली असल्याचं दिसून आलं आहे.
मागील दोन दिवसांच्या तुलनेत आज रुग्णांच्या संख्या काहीशी वाढली आहे. मात्र अॅक्टिव्ह रुग्णांची संख्या थोडीशी कमी झाली आहे. त्यामुळे प्रशासनासाठी ही एक दिलासादायक बाब आहे.
दरम्यान आतापर्यंत १ कोटी २ लाखांहून अधिक जणांना करोनाची लागण झाली आहे. गेल्या २४ तासात देशात २० हजार ५५० नवे रुग्ण आढळून आले आहेत तर देशात २८६ करोना बाधित रुग्णांचा मृत्यू झाला आहे. सध्या देशभरात २ लाख ६२ हजार अॅक्टिव्ह रुग्ण आहेत. आतापर्यंत देशात एकूण १ लाख ४८ हजाराहून अधिक करोना बाधितांचा मृत्यू झाला आहे. केंद्रीय आरोग्य मंत्रालयाने दिलेल्या माहितीनुसार, आतापर्यंत देशात एकूण १ कोटी ०२ लाख ४४ हजार ८५३ रुग्ण सापडले आहेत. त्यापैकी १ लाख ४८ हजार ४३९ रुग्णांचा मृत्यू झाला आहे.
