नवी दिल्ली | New Delhi
भारतीय क्रिकेटपटू रिंकू सिंह (Rinku Singh) आणि समाजवादी पक्षाच्या खासदार प्रिया सरोज (Priya Saroj) यांचा आज (रविवारी) लखनौ येथील द सेंट्रम हॉटेलमध्ये मोजक्या आणि प्रतिष्ठित मंडळींच्या उपस्थितीत साखरपुडा (Engagement ) संपन्न झाला. या कार्यक्रमाला दोन्ही कुटुंबियातील मंडळींसह क्रिकेट आणि राजकीय क्षेत्रातील दिग्गजांनी हजेरी लावली.
नुकतेच रिंकू सिंह आणि प्रिया सरोज यांच्या साखरपुड्याचे फोटो सोशल मीडियावर (Social Media) व्हायरल झाले असून, त्यात दोघांच्या लुकची तुफान चर्चा होत आहे. रिंकू आणि प्रिया या जोडीनं साखरपुड्यात पांढऱ्या अन् गुलाबी आउटफिट्ससह परफेक्ट मॅचिंग केल्याचे बघायला मिळाले. साखरपुड्याच्या सोहळ्या आधी या जोडीनं प्री वेडिंग फोटोशूटही केले. ते फोटो देखील सोशल मीडियावर व्हायरल होताना दिसत आहेत.
You can see live pictures of engagement of MP Priya Saroj and #cricketer Rinku Singh here Many congratulations to Rinku Singh and Priya Saroj on starting a new life. #RinkuSingh #PriyaSaroj #rinkusingh #Lucknow https://t.co/48lwOk7T3J pic.twitter.com/KV8l72xbFI
— Indian Observer (@ag_Journalist) June 8, 2025
कोण आहेत प्रिया सरोज?
उत्तरप्रदेशच्या मछलीशहर लोकसभा मतदारसंघाच्या प्रिया सरोज या समाजवादी पक्षाच्या खासदार आहेत. २०२४ च्या लोकसभा निवडणुकीत त्यांनी भारतीय जनता पक्षाच्या (BJP) बी.पी. सरोज यांचा ३५ हजार हून अधिक मतांनी पराभव केला आहे. सध्या त्या संसदेतील सर्वात तरुण महिला खासदारांपैकी एक आहेत. तसेच निवडणूक आयोगाला सादर केलेल्या प्रतिज्ञापत्रानुसार प्रिया सरोज यांची संपत्ती सुमारे ११.२५ लाख रुपये असून, जी बहुतांश बँक खात्यांमध्ये जमा आहे.
