नाशिक | प्रतिनिधी New Nashik
नाशिक मधील मुंबई नाकापरिसरात अमली पदार्थ विरोधी पथकाने मोठी कारवाई केली आहे. पोलिसांनी दिलेल्या माहितीनुसार, ६४ हजार ५०० रुपये किमतीचे २१.५ ग्रॅम ड्रग्ज जप्त करण्यात आले आहे.
- Advertisement -
या कारवाईदरम्यान पथकाने साडे आठ हजार रुपयांची रोकड तसेच चारचाकी वाहन देखील जप्त केले असून, एका संशयिताला ताब्यात घेण्यात आले आहे.
संशयित प्रशित अडांगळेच्याविरुद्ध अमली पदार्थ नियंत्रण कायद्यानुसार (एनडीपीएस ऍक्ट) गुन्हा दाखल करण्यात आला आहे. या कारवाईनंतर मुंबई नाका पोलिस ठाण्यात पुढील तपास सुरू आहे.
