सुपरकिंग्जसमोर आज हैद्राबादचे आव्हान

मुंबई | Mumbai

ड्रीम इलेव्हन आयपीएलमध्ये आज मंगळवारी सनराईझर्स हैद्राबादचा सामना चेन्नई सुपरकिंग्जशी होणार आहे.

गतवेळी झालेल्या सामन्यात हैद्राबादने चेन्नईला ७ धावांनी नमवले होते. त्या पराभवाचा वचपा काढण्यासाठी सुपरकिंग्जला चांगली संधी आहे.

हा सामना जिंकून स्पर्धेतील आपलं आव्हान कायम ठेवण्याचा दोन्ही संघांचा प्रयत्न असेल. हैद्राबाद ६ गुणांसह पाचव्या तर चेन्नई ४ गुणांसह सातव्या स्थानावर आहे.

आतापर्यंत दोन्ही संघांमध्ये एकूण १३ सामने झाले आहेत. यात चेन्नई संघाने ९ हैद्राबादने ४ सामने जिंकले आहेत . चेन्नई संघाला पराभव पत्कारावा लागण्याचे प्रमुख कारण म्हणजे संघाची सुमार फलंदाजी होय.

त्यामुळे पराभवाची मालिका खंडित करण्यात कोणता संघ यशस्वी ठरतो ? ते पाहणे महत्वाचे ठरणार आहे.

सलिल परांजपे, नाशिक