पाझर तलावाला भगदाड पाडले

म्हाळसाकोरे । प्रतिनिधी Mhalsakore

येथे गाव पाझर तलावाला अज्ञात व्यक्तीने भगदाड पाडून तलावात साचणाऱ्या पाण्याची नासाडी केली आहे. प्रशासनाने याची गंभीर दखल चौकशी करावी, अशी मागणी ग्रामस्थांनी केली आहे.

संपूर्ण गावाला पिण्यासाठी पाणी, जनावरे व शेतीसाठी पाणीपुरवठा करणारा हा तलाव कडवा कालव्याच्या पाण्याने भरला जातो या पाण्यावर हरभरा, बाजरीसारख्या पिकांबरोबर कांदा, द्राक्ष, डाळिंबाची शेती होऊ लागली. जनावरांच्या चारा-पाण्याची सोय तलावाच्या पाण्यामुळे कायमस्वरुपी मार्गी लागली होती.

पन्नास वर्षांपूर्वी साकारण्यात आलेल्या या पाझर तलावाला अज्ञाताने भगदाड पाडून काय साध्य केल, असा सवाल केला जात आहे.