यावल कृउबाचा निर्णय : केळीवर आकारण्यात येणारी तीन टक्के सूट रद्द

यावल – प्रतिनिधी

येथील कृषी उत्पन्न बाजार समितीच्या (Agricultural Produce Market Committee) संचालक मंडळाच्या मासिक सभेत दि.14 जुलै रोजी केळी वर आकारण्यात येणारी तीन टक्के सूट रद्द करण्याचा निर्णय संचालक मंडळाने घेतल्याने शेतकऱ्यांमध्ये आनंदाचे वातावरण निर्माण झाले आहे.

केळीचे मोजमाप झाल्यानंतर गाडीचे वजन इलेक्ट्रॉनिक तोल काट्यावर करण्यात येत होते त्यावर व्यापाऱ्यांकडून तीन टक्के सूट म्हणजे कटती शेतकऱ्यांकडून कापण्यात येत असे त्यामुळे शेतकऱ्यांची एकूण वजनात तीन टक्के इतके आर्थिक नुकसान होत होतं या गोष्टीकडे बाजार समितीने लक्ष ठेवत शेतकऱ्यांची आर्थिक नुकसान टाळावे यासाठी 14 जुलै रोजी झालेल्या मासिक सभेत शेतकऱ्यांकडून कापल्या जाणाऱ्या तीन टक्के सूट यापुढे घेण्यात येऊ नये.

याबाबत तक्रार उद्भवल्यास व्यापाऱ्यावर कठोर कायदेशीर कारवाई करावी असा ठराव पारित करण्यात आला. यासंबंधीचे पत्र बाजार समितीच्या वतीने सर्व परवानाधारक केळी व्यापारी कमिशन एजंट यांना माहितीस्तव देण्यात आली असून तीन टक्के सूट केल्याचा निर्णयाचे तालुक्यातील केडी उत्पादक शेतकऱ्यांमधून समाधान व्यक्त होत आहे.