उपकार्यकारी अभियंता ‘एसीबी’च्या जाळ्यात

नाशिक। प्रतिनिधी Nashik

वीज मीटर बसवून देण्याच्या बदल्यात व्यावसायिकाकडून एक लाख रुपयांची लाच घेणाऱ्या महावितरणच्या पिंपळगाव उपविभागाच्या उपकार्यकारी अभियंत्यास शुक्रवारी एसीबीने पकडले. किसन भीमराव कोपनर(वय ४४, रा. पार्कसाईड, हनुमाननगर, आडगाव शिवार, नाशिक) असे संशयिताचे नाव आहे.

याबाबत तक्रारदाराने एसीबीकडे तक्रार केली होती. पडताळणी दरम्यान काेपनर यांनी पंचासमक्ष एक लाख रुपये लाचेची रक्कम स्वीकारण्याचे मान्य करून ती रक्कम (दि. ५) स्विकारताना एसीबीचे पाेलीस निरीक्षक संदीप घुगे, पोलीस नाईक गणेश निंबाळकर, पोलीस शिपाई नितीन नेटारे यांनी अटक केली.