नाशिक । प्रतिनिधी Nashik
दै. ‘देशदूत’ आयोजित तसेच सुविक बिल्डकॉन प्रायोजित ‘इंदिरानगर प्रॉपर्टी एक्स्पो 2025’ च्या माध्यमातून सामान्यांचे गृह स्वप्न साकार करण्याची सुवर्णसंधी ‘देशदूत’ने उपलब्ध करून दिली आहे. उद्या शुक्रवार ,दि.28 फेब्रुवारी २०२५, रोजी इंदिरानगर येथील संताजी संकुल, कलानगर सिग्नल, इंदिरानगर-पाथर्डी रोड, कोटक महिंद्रा बँकेजवळ सुरू होत असलेल्या प्रॉपर्टी एक्स्पोचे उद्घाटन मान्यवरांच्या प्रमुख उपस्थितीत सायंकाळी 5 वाजता होणार आहे.
प्रमुख पाहुणे म्हणून नरेडको नाशिक अध्यक्ष सुनील गवादे, नरेडको नाशिकचे संस्थापक सदस्य जयेश ठक्कर, बँक ऑफ महाराष्ट्र विभागीय व्यवस्थापक सी. बी. सिंह, माजी सभागृहनेता तथा नगरसेवक सतीश (बापू )सोनवणे, माजी नगरसेविका डॉ. दिपाली कुलकर्णी, शिवसेना (ठाकरे गट) उपजिल्हाप्रमुख देवानंद बिरारी आदी मान्यवर उपस्थित राहणार आहेत.
‘स्मार्ट सिटी’ बनण्यासाठी नाशिकची वाटचाल सुरू असतांना नाशिक शहरातील इंदिरानगर परिसराने आपली स्वतंत्र ओळख निर्माण केली आहे. शॉपिंग मॉल असो वा सुपर मार्केट, शाळा, कॉलेजेस, इंजिनिअरिंग कॉलेज, मल्टी स्पेशालिटी हॉस्पिटल्स, मोठमोठे हॉटेल्स, भव्य दिव्य गृह व व्यावसायिक प्रकल्प, आसपासच्या गावांना जोडणारा राष्ट्रीय महामार्ग, रिक्षा बसच्या फेर्यांसह शहरातील कोणत्याही भागात थेट जाण्यासाठीची उत्तम कनेक्टिव्हिटी, झपाट्याने विस्तार होणार्या या भागात सर्व काही उपलब्ध आहे. भौगोलिक विस्तार पाहता शहराच्या डेड एन्डपर्यंत नागरी वसाहतींचे जाळे पसरल्याचे दिसून येते.
‘इंदिरानगर प्रॉपर्टी एक्स्पो’त नाशिकमधील नामांकित बांधकाम व्यावसायिकांचे स्टॉल्स उपलब्ध करण्यात आले आहेत. त्यात अनेक लाभदायक योजनांचा समावेश आहे. सामान्यजनांना गृह स्वप्नाची पूर्ती करण्याची अनोखी संधी प्रॉपर्टी एक्स्पोच्या माध्यमातून उपलब्ध करण्यात आली आहे. मुख्य प्रायोजक प्रसिद्ध बांधकाम व्यावसायिक सुविक बिल्डकॉन हे आहेत. फायनान्स पार्टनर बँक ऑफ महाराष्ट्र तर, पर्यावरणीय पार्टनर पपायाज् नर्सरी हे आहेत. रविवार दि.2 मार्च 2025 पर्यंत दररोज दुपारी 2 ते रात्री 9 वाजेपर्यंत सर्वांना प्रवेश खुला आहे. नागरिकांनी दै ‘देशदूत’ आयोजित इंदिरानगर प्रॉपर्टी एक्स्पोला अवश्य भेट द्यावी, असे आवाहन आयोजकांनी केले आहे.
नामांकित बांधकाम व्यावसायिकांचा समावेश
सुविक बिल्डकॉन, रोहन एंटरप्राइजेस प्रोमोटर्स अँड बिल्डर्स, रवी महाजन बिल्डर्स अँड डेव्हलपर्स, आनंद ग्रुप बिल्डर्स अँड डेव्हलपर्स, त्रिणीती रिअल्टर्स, डीएसजे ग्रुप, एलिका डेव्हलपर्स, पावा-क्रफ्टिंग अ परफेक्ट लाईफ, दक्ष रिअल्टी बिल्डर्स अँड डेव्हलपर्स, वास्तू बिल्डकॉन, आयएनडी डेव्हलपर्स, आशापुरी कन्स्ट्रक्शनस, एस अँड एस डेव्हलपर्स, शीकर कन्स्ट्रक्शन, वेदाज स्पेसेस, शेठ रियल्टी, जयप्रसाद कन्स्ट्रक्शन अँड डेव्हलपर एलएलपी, सीडीआयएल फार्म प्लॉट, सिद्धिविनायक डेव्हलपर्स, सुर्या प्रॉपर्टीज्, बँक ऑफ महाराष्ट्र,पपायाजनर्सरी
