मुंबई | Mumbai
काल विधिमंडळाच्या पावसाळी अधिवेशनात उपमुख्यमंत्री देवेंद्र फडणवीस (Devendra Fadnavis) यांनी सरकारकडून बिलंब झाल्याने कोकणातील तेलशुद्धीकरण प्रकल्पात गुंतवणूक करणारी सौदी अरेबियाची ‘अरामको’ ही कंपनी पाकिस्तानात गेली आहे. या प्रकल्पाच्या विरोधात आंदोलन (Agitation) करणारे हे बंदी घातलेल्या ‘ग्रीनपीस’ संघटनेशी संबंधित असून, त्यांना या संघटनेचा पैसा येतो, असा आरोप केला होता.
Aaditya Thackeray : “भाजपा महाराष्ट्रद्वेषी आहे हे…”; आदित्य ठाकरेंची भाजपवर टीका
त्यावर ठाकरे गटाचे आमदार आदित्य ठाकरे (Aaditya Thackeray) यांनी ट्वीट करत “”नाणार असो की बारसू असो… भाजपा महाराष्ट्रद्वेषी आहे, हे वारंवार दिसतंच. त्याबरोबरच दिसतं ते मिंधेंचं सत्तेच्या लोभापायी कोकणी माणसाला दगा देणं! पण त्याहीपुढे प्रश्न पडतो, ह्यांचा कोकणावर आणि कोकणी माणसावर एवढा राग कश्यासाठी? पाकिस्तानशी संबंध, बंदिस्त संघटना, परदेशी फंडिंग” अश्या गोष्टी कोकणाशी जोडून हे महाराष्ट्र द्वेष्टे कोकणी माणसाला देशद्रोही का ठरवू पाहताएत? असे म्हटले होते.
मणिपुरात पुन्हा भडका! आक्रमक जमावाने शस्त्रागार फोडले; रायफल्स, काडतूसे घेऊन पोबारा
तसेच उद्या हे कोकणी माणसाला नक्षलवादी म्हणतील, त्यांच्यावर देशद्रोहाचे गुन्हे दाखल करतील… स्वतःचं खोटं रेटायला कोकणी माणसाचा बळी देतील! कारण एकच-ह्यांच्या महाराष्ट्र द्वेषा विरुद्ध उभ्या राहणाऱ्या कोकणी माणसावरचा राग!,” असे म्हणत फडणवीसांवर निशाणा साधला होता.
“मी अस्वस्थ आहे… माफ करा, मी कुणालाही…”; वाढदिवसाच्या दिवशीच ट्विट करून जितेंद्र आव्हाड अज्ञातस्थळी
दरम्यान, यानंतर आता उपमुख्यमंत्री देवेंद्र फडणवीस यांनी आदित्य ठाकरेंच्या टीकेला प्रत्युत्तर दिले आहे. ते म्हणाले की, “किमान आदित्य ठाकरे अभ्यास करून किंवा भाषण ऐकून बोलतील, असे मला वाटत होते. पण, आदित्य ठाकरेंनी डोळ्याला पट्टी बांधली आहे. त्यामुळे ज्यांनी डोळ्याला पट्टी बांधलीय आणि विरोधाला विरोध करायचा आहे, अशांना उत्तर देऊन फायदा तरी काय?” अशी टीका (Criticism) फडणवीसांनी आदित्य ठाकरेंवर केली आहे.
