अजय देवगणचा दृश्यम 2 हा चित्रपट ऑफिसवर धमाकेदार कामगिरी करतोय. मागच्या शुक्रवारी हा चित्रपट रिलीज झाला असून आठ दिवस होऊनही बाॅक्स ऑफिसवर चित्रपटाची जादू सुरूच आहे.
2022 हे वर्ष बाॅलिवूडसाठी काही खास गेले नाही. परंतू यामध्ये फक्त अजय देवगणचा दृश्यम 2 हा चित्रपट अपवाद राहिला. कारण गेल्या काही दिवसांपासून बाॅलिवूडचे चित्रपट सातत्याने बाॅक्स ऑफिसवर फ्लाॅप जात आहेत. मात्र दृश्यम 2 हा चित्रपट अजूनही बॉक्स ऑफिसवर चांगली कमाई करत आहे.
दृश्यम-2 या चित्रपटानं दुसऱ्या आठवड्यात धमाकेदार एन्ट्री केली. नवव्या दिवशी म्हणजेच शनिवार (26 नोव्हेंबर) या चित्रपटानं जवळपास 13.50-14 कोटींची कमाई केली आहे. या चित्रपटानं एकूण 140 कोटींची कमाई केली आहे.
दृश्यम-2 या चित्रपटाची निर्मिती 50 कोटींच्या बजेटमध्ये करण्यात आली आहे. ‘दृश्यम 2’ या मल्याळम सिनेमाचा हा हिंदी रिमेक आहे. अजयच्या 2015 मध्ये रिलीज झालेल्या दृश्यम या चित्रपटाला देखील प्रेक्षकांची विशेष पसंती मिळाली.
या चित्रपटाच्या दुसऱ्या भागाची प्रेक्षक उत्सुकतेने वाट बघत होते. या चित्रपटाच्या पहिल्या भागाचे दिग्दर्शन दिवंगत दिग्दर्शक निशिकांत कामत यांनी केले होते. या वर्षात अजय देवगणचे अनेक चित्रपट आले.
काहींमध्ये तो छोट्या भूमिकेत दिसला आणि हा चित्रपट सुपरहिट ठरला. अजय देवगणचा रनवे ३४ आणि थँक गॉड हे मुख्य भूमिकेत आले होते, या दोन्ही चित्रपटांकडे प्रेक्षकांनी पाठ फिरवली. आता वर्षाच्या शेवटी अजय देवगणने ‘दृश्यम २’ आणून यशस्वी सांगता केली असंच म्हणावं लागेल.
