नेवासा |तालुका प्रतिनिधी| Newasa
नगरच्या स्थानिक गुन्हे शाखेच्या पथकाने (LCB) नेवासा तालुक्यातील जळके शिवारात अवैध वाळू वाहतुकीवर (Illegal Sand Transport) कारवाई करून तीन ब्रास वाळूसह डंपर (Dumper) पकडला. याबाबत स्थानिक गुन्हे शाखेचे कॉन्स्टेबल बाळासाहेब खेडकर यांनी दिलेल्या फिर्यादीत म्हटले की, दि. 20 रोजी पोलीस पथक व दोन पंच सलाबतपूर ते प्रवारासंगम गावात जाणारे रोडलगत असलेल्या जळके खुर्द (Javalake Khurd) गावच्या शिवारात थांबलो असता पहाटे 4:10 वाजेचे सुमारास आम्हास सलाबतपूर कडून प्रवरासंगम गावाच्या दिशेन जाताना एक हिरवा लाल रंगाचा टाटा कंपनीचा डंपर येताना दिसला.
सदर वाहनास हात करुन व बॅटरीचे सहाय्याने इशारा करुन थांबविण्याचा इशारा केला असता सदर वाहनावरील चालकाने त्याचे वाहन रोडचे कडेला थांबविले. तेव्हा त्यास आम्ही आमची व पंचाची ओळख समजावुन सांगुन सदर डंपरची पाहणी केली असता सदर डंपरच्या (एमएच 12 सीटी 0540) मागील हौदामध्ये वाळू (Sand) मिळून आली. चालकास त्याचे नाव गाव विचारले असता त्याने अशोक लक्ष्मण कदम (वय 36 धंदा शेती, रा. नेवासा खुर्द) असे असल्याचे सांगितले.
डंपर कोणाच्या मालकीचा आहे तसेच वाळृ वाहतुकीचा परवाना आहे काय याबाबत विचारपूस केली असता त्याने सदर डंपर सागर खंडागळे (पूर्ण माहित नाही) रा.सुरेशनगर ता. नेवासा याचे असल्याचे सांगून वाळु वाहतुकीचा कोणताही परवाना नसल्याचे सांगितले. सदर वाहनांची पंचासमक्ष पाहणी केली असता 10 लाख रुपये किंमतीचा डंपर व 30 हजार रुपये किंमतीची 3 ब्रास वाळू असा एकूण 10 लाख 30 हजार रुपये किंमतीचा मुद्देमाल मिळून आल्याने तो पोलीस नाईक बाळासाहेब नागरगोजे यांनी पंचांसमक्ष जप्त केला.
या फिर्यादीवरून डंपर चालक अशोक लक्ष्मण कदम व मालक सागर खंडागळे हे चोरटी वाळुची वाहतुक करताना मिळून आले म्हणून त्यांचेविरुद्ध बीएनएस कलम 303 (2), 3 (5) प्रमाणे नेवासा पोलीस ठाण्यात गुन्हा दाखल करण्यात आला आहे.
