मुंबई | Mumbai
ज्येष्ठ अभिनेते परेश रावल (Actor Paresh Rawal) यांचा मुलगा आदित्य रावल (Aditya Rawal) आणि शशी कपूर यांचा नातू जहान कपूर (Jahan Kapoor) यांचे बॉलिवूडमध्ये पदार्पण घडवून आणणाऱ्या ‘फराज’ या चित्रपटाचा ट्रेलर नुकताच प्रदर्शित झाला आहे.
गेल्या काही काळापासून मनोरंजन क्षेत्रात चर्चेत असलेल्या ‘फराज’ चित्रपटाविषयी प्रेक्षकांना उत्सुकता लागली होती. त्यानंतर या चित्रपटाचा ट्रेलर अखेर प्रदर्शित झाला असून ट्रेलरमधून प्रेक्षकांना दहशतवादाने (Terrorism) तरुणांचे भडकवलेल्या विचाराबरोबरच दहशतीचा थरार अनुभवता येणार आहे.
तसेच ‘फराज’ हा चित्रपट ३ फेब्रुवारी २०२३ ला चित्रपटगृहात प्रदर्शित होणार असून चित्रपटात ढाका (Dhaka) येथे झालेल्या दहशतवादी हल्ल्याची कथा आहे. तसेच चित्रपटात परेश रावल यांचा मुलगा आदित्य हा मुख्य दहशतवाद्याच्या भूमिकेत असून जहान कपूर एका तरुणाच्या भूमिकेत आहे तर फराजच्या व्यक्तिरेखेला लोकांकडून भरभरून प्रेम मिळतांना दिसत आहे.
दरम्यान, या चित्रपटाचे दिग्दर्शन हंसल मेहता यांनी केले असून भूषण कुमार, अनुभव सिन्हा, साक्षी भट्ट, साहिल सहगल आणि मजहिर मंदसौरवाला हे या चित्रपटाचे निर्माते आहेत. तर जहान कपूर आणि आदित्य रावल यांच्याशिवाय या चित्रपटात जुही बब्बर, आमिर अली, सचिन लालवानी, पलक लालवानी आणि रेशम सहानी यांच्याही महत्त्वपूर्ण भूमिका आहेत.
