तळोदा येथे गुरांच्या गोठयाला आग

सोमावल – Taloda – वार्ताहर :

तळोदा येथील अक्कलकुवा रस्त्यावर असलेल्या एका शेतातील गुरांच्या गोठयाला अचानक आग लागल्याने गाय व दोन वासराचा होरपळून मृत्यू झाला. तसेच शेतोपयोगी साहित्यही जळून खाक झाले आहेत.

याबाबत अधिक माहिती अशी की, तळोदा येथील अक्कलकुवा रस्त्यावरील चुनीलाल वंजी पवार यांच्या शेतात असलेल्या गुरांच्या गोठ्याला काल रात्री अचानक आग लागली.

या आगीत गोठ्यात बांधलेल्या एक गाय व दोन वासरांचा होरपळून मृत्यू झाला. तसेच बैलगाडी, चाराकटर मशीन व शेती औवजारे जळून खाक झालीत. या आगीत संबंधीत शेतकर्‍याचे लाखो रुपयांचे नुकसान झाले आहे.