पाचोरा । प्रतिनिधी
पाचोरा भडगाव विधानसभेच्या निवडणुकीत पुरुषांच्या बरोबरीने महिला भगिनींनी देखील प्रचारात उतरल्या आहेत. त्यात माजी आमदार दिलीप भाऊ वाघ यांच्या प्रचारात सर्व नातेवाईक व घरातील महिला भगिनींनी देखील ग्रामीण भागासह शहरी भागातील एक एक गल्ली पिंजून काढीत आहेत.
- Advertisement -
खर्याअर्थाने घरा घरात व घरातील महिला भगिनींशी आस्थेवाईकपणे चर्चा करून दिलीप भाऊ वाघ यांना भरघोस मतांनी निवडून देण्याचे आवाहन करीत आहेत. कुठलाच गाजावाजा न करता प्रत्येक मतदारापर्यंत पोहोचण्याचा प्रामाणिक प्रयत्न या महिला भगिनी करीत आहेत. पाचोरा भडगाव शहरातील विविध कॉलनीत व गल्ली बोळात फिरुन व ग्रामीण भागात गावोगावी घरोघरी जाऊन प्रचारात या महिला भगिनींनी आघाडी घेतली आहे.
