हतगड | लक्ष्मण पवार
दिनांक १७ डिसेंबर २०१९ रोजी कळवण सुरगाणा विधानसभा मतदार संघाचे माजी आमदार जिवा पांडू गावित यांचा ७१वा वाढदिवस साधेपणे पण मोठया उत्सहात साजरा करण्यात आला. ३५ वर्ष आमदार असूनही आमदार जिवा पांडू गावित स्वतःचा वाढदिवस कधीच साजरा करीत नाही. तरी सकाळ पासूनच कार्यकर्त्यांनी मोठया प्रमाणात अलंगुन येथील निवासस्थानी येऊन साहेबाना शुभेच्छा दिल्या.
गावितांनी स्थापन केलेल्या आदर्श समता शिक्षण प्रसारक मंडळ, अलंगुन या शिक्षण संस्थेच्या प्रत्येक शाळेत मोठया प्रमाणात कार्यक्रमांचे आयोजन करण्यात आले. अलंगुन येथील आश्रमशाळेत निबंध स्पर्धा, रांगोळी स्पर्धा व काव्य वाचन स्पर्धा घेण्यात आली तर शाहिद भगतशिंग विद्यालयातही विविध स्पर्धा घेण्यात आल्या.
रांगोळी व काव्य वाचन स्पर्धेसाठी प्रा. आर. एच. गांगुर्डे सर यांनी विशेष परिश्रम घेतले. तसेच सर्व युनिटचे मुख्याध्यापक, सर्व शिक्षक बंधू भगिनी व चतुर्थ श्रेणी कर्मचारी यांनी मेहनत घेतली व कार्यक्रम यशस्वी करण्यात आला.रात्री मुलांना भोजन देण्यात आले.
