अहिल्यानगर |प्रतिनिधी| Ahilyanagar
शहरातील जुना वडगाव गुप्ता रस्त्यावरील जाधव मळा परिसरात तोफखाना पोलिसांनी सापळा रचून राहाता तालुक्यातील एका तरूणाला बेकायदेशीर गावठी कट्टा आणि जिवंत काडतुसासह रंगेहाथ पकडले. कुणाल विलास जगताप (वय 25, रा. निमगाव, ता. राहाता) असे त्याचे नाव आहे. त्याच्याविरूध्द गुन्हा दाखल करण्यात आला आहे.
- Advertisement -
पोलीस निरीक्षक जगदीश भांबळ यांना एक तरूण संशयास्पदरित्या शस्त्र घेऊन फिरत असल्याची माहिती मिळाली होती. या माहितीची खातरजमा करण्यासाठी त्यांनी तातडीने गुन्हे शोध पथकाला कारवाईचे आदेश दिले. पोलीस उपनिरीक्षक परशुराम दळवी यांच्या पथकाने डॉन बॉस्कोकडे जाणार्या रस्त्यावर सापळा रचून कारवाई केली व जगताप याला पकडले.
