मुंबई | Mumbai
राज्यभरात लाडक्या गणरायाच्या स्वागताची तयारी सुरू असतानाच मुंबईमध्ये एक भीषण अपघाताची घटना समोर आली आहे.
मुंबईतील मुलुंडचा राजा गणेश मंडळाच्या दोन कार्यकर्त्यांना आलिशान कारने जोरदार धडक दिली आणि पसार झाला आहे. यात एक कार्यकर्त्यांचा मृत्यू झाला असून दुसऱ्याची प्रकृती गंभीर आहे.
मिळालेल्या माहितीनुसार, मुलुंडचा राजा म्हणून प्रसिद्ध असलेल्या गणेश मंडळाच्या मंडपाजवळ प्रीतम थोरात आणि प्रसाद पाटील हे कार्यकर्ते पहाटे ४ वाजताच्या दरम्यान आकृती टॉवर जवळ बॅनर लावत होते.
हे ही वाचा : आई-वडिलांच्या डोळ्यादेखत बिबट्याचा मुलावर हल्ला; गंभीर जखमी मुलाचा मृत्यू
अचानक कॅम्पस हॉटेलकडून भरधाव वेगाने आलेल्या आलिशान कारने या दोघांना धडक दिली. धडक देऊन कारचालक पसार झाला आहे. या अपघातात प्रीतम थोरात याचा मृत्यू झाला असून प्रसाद पाटीलची प्रकृती गंभीर आहे.
घटनास्थळी नवघर पोलीस दाखल झाले असून कार चालकाचा शोध सुरू आहे. गेल्या काही दिवसांत मुंबई व उपनगरांत घडलेल्या हिट अँड रनच्या घटना चर्चेत असतानाच या नव्या घटनेमुळे खळबळ उडाली आहे.
हे ही वाचा : संतापजनक! दिवसाढवळ्या फूटपाथवर महिलेवर अत्याचार होत होता अन् लोक…
