५० वर्षीय व्यक्तीचा आत्महत्येचा प्रयत्न; कळवा नाका परिसरातील घटना

मुंबई | प्रतिनिधी 

आज सकाळी कळवा नाका परिसरात एका इसमाने बांधकाम सुरू असलेल्या मोटार ब्रिजवरून फाशी लावून आत्महत्या करण्याचा प्रयत्न केला. घटनास्थळी पोलीस यंत्रणा वेळीच दाखल झाल्याने या व्यक्तीला वाचविण्यात यश आले आहे.

आज सकाळी साडेदहा वाजेच्या सुमारास हा प्रकार घडला. एक जन मोटार ब्रिजवरून एका दोरखंडनिशी फाशी घेत असल्याचे निदर्शनास आले. यानंतर स्थानिकांनी पोलीस यंत्रणेशी संपर्क साधला.

घटनास्थळी वपोनि शेखर बागडे यांच्यासह पथकाने घटनास्थळी धाव घेतली. तसेच या परिसरातून जाणाऱ्या एका क्रेनच्या सहाय्याने या व्यक्तीला सुखरूप बाहेर काढण्यात यश आले.

दरम्यान, या व्यक्तीची चौकशी केली असता त्यांचे धनाजी भगवान कांबळे (वय ५०) असे असल्याचे समजले. त्यांच्या मुलाने रेल्वेखाली आत्महत्या केल्यामुळे त्याने आत्महत्या करण्याचा प्रयत्न केल्याचे समोर येत आहे.