अहिल्यानगर |प्रतिनिधी| Ahilyanagar
कोपरगाव शहरातील घडाळ्याच्या दुकानातील चोरी प्रकरणी (Kopargav Watch Shop Theft) बिहार (Bihar) राज्यातील गँगला स्थानिक गुन्हे शाखेच्या पथकाने (LCB Police) अटक केली असुन त्यांच्या ताब्यातील मुद्देमाल जप्त (Seized) केला आहे. यात सुरेंदर जयमंगल दास (वय 40), रियाज नईम अन्सारी (वय 40), पप्पु बिंदा गोस्वामी (वय 44), राजकुमार चंदन साह (वय 20), राजुकुमार बिरा प्रसाद (वय 45), नईम मुन्ना देवान (वय 30), राहुलकुमार किशोरी प्रसाद (वय 26), गुलशनकुमार ब्रम्हानंद प्रसाद (वय 25 सर्व रा. घोडासहन ता.घोडासहन जि.मोतीहारी, राज्य बिहार) असे पोलीसांनी ताब्यात घेतलेल्या आरोपींची नावे आहे.
सविस्तर माहिती अशी की, कोपरगाव शहरात सचिन वॉच कंपनी असे घडयाळाचे दुकान आहे. या दुकानात 18 एप्रिल रोजी पहाटेच्या सुमारास अज्ञात चोरट्यांना (Theft) दुकानाचे शटर उचकटून दुकानातील विविध कंपनीचे घड्याळे चोरून नेले होते. याबाबत संजय लालचंद जैन (वय 61, रा.गुरूद्वारा रोड, कोपरगाव) यांच्या फिर्यादीवरून कोपरगाव शहर पोलीस ठाण्यात (Kopargav City Police Station) घरफोडीचा गुन्हा दाखल करण्यात आला होता.
सदर घटनेचा तपास स्थानिक गुन्हे शाखेचे पथक करत असतांना गोपनीय व तांत्रीक विश्लेषणाच्या आधारे सदरचा गुन्हा सुरेंद्र जयमंगल दास याच्यासह त्याचे इतर 7 साथीदारांनी केला असून ते शिरूर (Shirur) जि.पुणे परिसरात असल्याची माहिती प्राप्त झाली. पथकाने शिरूर जि.पुणे येथे संशयितांचा शोध घेऊन सुरेंद्र दास सह त्यांच्या साथिदारांना ताब्यात घेतले. या आरोपीकडील 9 लाख 81 हजार रूपयांचे टायटन, रागा टायटन, टायमॅक्स कंपनीचे 10 घड्याळे, दोन वायफाय राऊटर, 7 मोबाईल असा एकुण 10 लाख 62 हजार रूपयांचा मुद्देमाल हस्तगत करण्यात आला. आरोपीकडे चौकशी केली असता सदर चोरीची कबुली दिली आहे.
सदरच्या गुन्हाचा तपास पोलीस अधिक्षक राकेश ओला (SP Rakesh Ola) यांच्या आदेशाने स्थानिक गुन्हे शाखेचे पोलीस निरीक्षक दिनेश आहेर यांच्या मार्गदर्शनाने सहाय्यक पोलीस निरीक्षक हेमंत थोरात, अंमलदार गणेश भिंगारदे, अशोक लिपणे, प्रमोद जाधव, बाळासाहेब गुंजाळ, सुनिल मालणकर, भगवान थोरात, रमिजराजा आत्तार, अमृत आढाव, फुरकान शेख, मेघराज कोल्हे, प्रशांत राठोड व अरूण मोरे आदींनी केला. ताब्यातील आरोपींना जप्त करण्यात आलेल्या मुद्देमालासह कोपरगाव शहर पोलीस ठाण्यात (Kopargav City Police Station) हजर करण्यात आले असून गुन्हयांचा पुढील तपास कोपरगाव शहर पोलीस ठाणे करीत आहेत.
