मुंबई | Mumbai
अभिनेत्री हुमा कुरेशी (Actress Huma Qureshi) पुन्हा एकदा दमदार कमबॅक करणार आहे. ‘महाराणी’(Maharani season 2) या वेब सीरिजच्या दुसऱ्या सिझनचा ट्रेलर नुकताच प्रदर्शित झाला.
राजकारण आणि त्यातील पडद्यामागच्या कथा यावर आधारित ‘महाराणी’ वेब सीरिजच्या पहिल्या सिझनला चांगली पसंती प्रेक्षकांकडून मिळाली होती.
राणी भारती नावाच्या ग्रामीण वातावरणातील व्यक्तिरेखा हुमा हिने साकारली होती. महाराणीच्या सिझन दोनमध्ये बरेच रंजक ट्विस्ट्स आणि टर्न्स असून पुन्हा एकदा ही व्यक्तिरेखा प्रेक्षकांना भावणार असल्याचे सांगण्यात आले आहे.
आता हुमा पुन्हा एकदा राणी भारतीच्या (Rani Bharti) भूमिकेत परतली आहे. महाराणी 2 च्या जवळपास अडीच मिनिटाच्या ट्रेलरमध्ये सर्व पात्र त्यांच्या भूमिका आणि प्रतिष्ठा राखण्यासाठी सर्व प्रकारच्या राजकीय युक्त्या वापरताना यामध्ये दिसणार आहेत.
दुसऱ्या सिझनमध्ये हुमा कुरेशी थेट तिच्या पतीलाच टक्कर देणार आहे. राणी भारती या ‘नव्या बिहार’च्या मुख्यमंत्री म्हणून परतल्या असून गुंडगिरीला आळा घालणार असल्याची शपथ त्यांनी घेतली आहे.
राजकीय उलथापालथ झाल्याच्या अनेक घटना घडत असल्याचे दाखवण्यात आले आहे. सौदर्य स्पर्धेची चर्चा, एका मुलाने स्वतःला पेटवून घेतल्याची घटना घडते.
एकीकडे राणी भारती या सर्व समस्यांना तोंड देत असतानाच दुसरीकडे नवीन कुमार मुख्यमंत्री होण्यासाठी नवनवीन डावपेच आखतात.
एकीकडे राणी भारतीचा पतीसोबत संघर्ष सुरू आहे, तर दुसरीकडे विरोधकांनीही तिला घेरलेले दिसते आहे.
ट्रेलरमध्ये हुमा कुरेशी म्हणते की, “परंपरा तोडण्यासाठी बनविली जाते आणि ती मोडण्यासाठी राणी स्वतः कुप्रसिद्ध आहे.” ‘महाराणी 2’ ही बहुप्रतिक्षित सीरिज या महिन्याच्या अखेरीस प्रेक्षकांच्या भेटीला येणार आहे.
(Photo Courtesy : Huma S Qureshi official Instagram page)
