Sunday, February 9, 2025
Homeब्रेकिंग न्यूजMaharashtra News : उद्योग विभागाचे मैत्री २.० पोर्टल गुंतवणूकदारांच्या सेवेत

Maharashtra News : उद्योग विभागाचे मैत्री २.० पोर्टल गुंतवणूकदारांच्या सेवेत

मंत्रिमंडळ बैठकीत पोर्टलचे अनावरण

मुंबई | प्रतिनिधी | Mumbai

राज्य सरकारच्या (State Government) उद्योगस्नेही ‘ईज ऑफ डुइंग बिझनेस’ धोरणाची प्रभावी अंमलबजावणी करुन गुंतवणूकदारांना सुलभ सेवा पुरविण्यासाठी उद्योग विभागाच्या अखत्यारीत असलेल्या मैत्री कक्षाच्या नूतनीकृत मैत्री २.० (Maitri 2.0) अर्थात maitri.maharashtra.gov.in या पोर्टलचे (Portal) अनावरण मंगळवारी मुख्यमंत्री देवेंद्र फडणवीस (CM Devendra Fadnavis) उपमुख्यमंत्री एकनाथ शिंदे, उपमुख्यमंत्री अजित पवार यांच्या हस्ते करण्यात आले.

- Advertisement -

मैत्री पोर्टल उद्योग, गुंतवणूक आणि व्यवसाय सुलभीकरणासाठी महत्वपूर्ण पाऊल आहे. २०१६ मध्ये सुरू करण्यात आलेल्या मैत्री १.० पोर्टलचे आता २.० व्हर्जन आणण्यात आले असून maitri.maharashtra.gov.in यामध्ये अनेक अत्याधुनिक सुविधा आणि तांत्रिक सुधारणा करण्यात आल्या आहेत, असे उद्योग विकास आयुक्त दीपेंद्रसिंह कुशवाह कुशवाह यांनी सादरीकरणावेळी सांगितले.

या पोर्टलमुळे महाराष्ट्रातील (Maharashtra) उद्योग सुलभीकरण प्रक्रियेत पारदर्शकता आणि वेग वाढणार असून उद्योजक, व्यापारी आणि गुंतवणूकदारांना अधिक सोपी आणि जलद सेवा मिळणार आहे. एकच अर्ज प्रणालीमुळे उद्योगांना विकसनाच्या विविध टप्प्यावर परवाने, ना- हरकत इ. ची आवश्यकता असते. मैत्री पोर्टल मार्फत विविध परवाने, ना- हरकत इ. उपलब्ध असल्याने उद्योगांना शासकीय विभागांकडे स्वतंत्र अर्ज करण्याची आवश्यकता नाही. रिअल-टाईम ट्रॅकिंग आणि डॅशबोर्डमुळे गुंतवणूकदारांना त्यांच्या अर्जाची सद्य:स्थिती पाहता येणार आहे.

आर्टिफिशियल इंटेलिजन्स (Artificial Intelligence) आधारित चॅटबॉट आणि ऑनलाईन सहाय्य केंद्राद्वारे गुंतवणुकदार आणि उद्योजकांना विविध योजना, परवाने, सबसिडी इ. बाबतची विविध माहिती तत्परतेने उपलब्ध होणेसाठी मैत्री पोर्टलवर “उद्योग मित्र” चॅटबॉट सुविधा उपलब्ध करण्यात आलेली आहे. इन्सेंटिव्ह कॅल्क्युलेटरमुळे सरकारी योजनांतर्गत मिळणाऱ्या प्रोत्साहनपर लाभांचे अंदाजपत्रक समजणार आहे. डिजिटल डॉक्युमेंट डिपॉझिटरीमुळे उद्योगाशी संबंधित आवश्यक कागदपत्रांची सुरक्षित साठवणूक आणि सहज उपलब्धता होणार आहे.

विविध विभागांच्या सेवा एकाच ठिकाणी

पोर्टलमध्ये १५ विविध विभागांच्या ११९ सेवा एकाच ठिकाणी उपलब्ध करून देण्यात आल्या आहे. त्यामधील १०० सेवा संपूर्णपणे एकत्रित करण्यात आल्या आहेत. यामध्ये कामगार विभाग, औद्योगिक सुरक्षा आणि आरोग्य संचालनालय, बॉयलर्स, नगरविकास, राज्य उत्पादन शुल्क विभाग यासारख्या महत्त्वाच्या विभागांच्या सेवांचा समावेश आहे. यामुळे राज्यातील औद्योगिक क्षेत्राला अत्याधुनिक ऑनलाईन सुविधांचा लाभ मिळणार आहे.

- Advertisment -spot_img

ताज्या बातम्या