मुंबई | Mumbai
बीड येथील संतोष देशमुख हत्या प्रकरणी (Santosh Deshmukh Murder Case) अटकेत असलेल्या माजी मंत्री धनंजय मुंडे (Dhananjay Munde) यांचे निकटवर्तीय वाल्मिक कराडच्या एन्काऊंटरची आपल्याला ऑफर देण्यात आली होती, असा दावा बीडचे सायबर विभागातील निलंबित पोलिस उपनिरीक्षक रणजित कासले (Ranjit Kasale) यांनी केला होता. त्यांनी त्यांच्या फेसबुक अकाउंटवर व्हिडीओ पोस्ट करत हा दावा केला होता.
त्यानंतर बीडचे पोलीस कासले यांचा शोध घेत होते. अखेर बीड पोलिसांनी (Beed Police) रणजित कासले यांना पुण्यातील एका हॉटेलमधून आज पहाटे ताब्यात घेतले आहे. कासले यांनी आपण स्वत: शरण जाणार असल्याचा व्हिडिओ केला होता. मात्र, त्यापुर्वीच त्याला ताब्यात घेण्यात बीड बोलिसांना यश आले आहे. बीड पोलिसांचे पथक पुण्यात दाखल झाल्यानंतर त्याचा शोध सुरू केला होता.
रणजित कासले हे काल दिल्लीहून (Delhi) पुण्यात (Pune) आले होते. यावेळी त्यांनी पत्रकार परिषद घेऊन खळबळजनक आरोप केले होते. ज्या दिवशी मतदान (Voting) होते, त्यादेवशी माझ्या बँक खात्यात दहा लाख रुपये जमा झाले होते. ईव्हीएमपासून दूर राहण्यासाठी मला हे पैसे देण्यात आले होते, असा दावा कासले यांनी केला होता. तसेच त्यांनी त्यांचे बँक स्टेटमेंट देखील यावेळी दाखवले होते. त्यानंतर कासले हे पुण्यात एका हॉटेलमध्ये मुक्काम करत होते. यानंतर आज पहाटे बीड पोलिसांनी त्यांना ताब्यात घेतले.
