राहुरी |प्रतिनिधी| Rahuri
नगर-मनमाड राज्य महामार्गावर (Nagar Manmad Highway) अपघातांची मालिका सुरूच असून, आणखी एका अपघातात (Accident) एका व्यक्तीला जीव गमवावा लागला आहे. राहुरी शहरातील नगर-मनमाड रोडवर बुधवार, दि. 14 ऑक्टोबर 2026 रोजी सकाळी दुचाकी (Bike) आणि कंटेनर (Container) यांच्यात झालेल्या भीषण अपघातात 44 वर्षीय मोटारसायकलस्वाराचा मृत्यू (Death) झाला. आबासाहेब चांगदेव पठारे (वय 44, रा. शिंगवे, ता. राहाता) असे मृत व्यक्तीचे नाव आहे.
मिळालेल्या माहितीनुसार, आबासाहेब पठारे हे बुधवारी सकाळी सुमारे 9.30 वाजण्याच्या सुमारास कामानिमित्त दुचाकीवरून अहिल्यानगर (Ahilyanagar) येथे जात होते. दरम्यान, नगर-मनमाड राज्य महामार्गावरील राहुरी शहर हद्दीत हॉटेल सर्जा समोर जीजे 19 झेड 0440 क्रमांकाच्या कंटेनरने त्यांच्या दुचाकीला जोराची धडक दिली. या अपघातात पठारे गंभीर जखमी झाले. अपघाताची (Accident) माहिती मिळताच रुग्णवाहिकेच्या मदतीने त्यांना राहुरी (Rahuri) येथील ग्रामीण रुग्णालयात दाखल करण्यात आले. मात्र, वैद्यकीय अधिकार्‍यांनी तपासणी केल्यानंतर त्यांना उपचारापूर्वीच मृत घोषित केले. शवविच्छेदनानंतर त्यांचा मृतदेह नातेवाइकांच्या ताब्यात देण्यात आला.
आबासाहेब पठारे यांच्या पश्चात पत्नी, एक मुलगा, एक मुलगी, आई-वडील आणि भाऊ असा परिवार आहे. दरम्यान, राहुरी पोलिसांनी अपघातातील कंटेनर ताब्यात घेतला असून, राहुरी पोलीस ठाण्यात या अपघाताची नोंद करण्यात आली आहे. पोलीस निरीक्षक रवींद्र देशमुख यांच्या मार्गदर्शनाखाली पुढील तपास सुरू आहे.
