पिंपळगाव बसवंत | वार्ताहर | Pimpalgaon Baswant
निफाड-पिंपळगाव मार्गावर (Niphad-Pimpalgaon Highway) दावचवाडी शिवारात मंगळवार (दि. २४) दुपारी १.३० वाजेच्या सुमारास मोटारसायकलस्वार तरुण (Youth) एसटीवर धडकल्याने तरुणाचा (Youth) जागेवरच मृत्यू (Death) झाला.
याबाबत पिंपळगाव पोलिसांनी (Police) अधिक माहिती दिली. देवपूर पंचकेश्वर (ता. निफाड) येथील तरुण संतोष गोविंद घोरपडे वय (३०) हा पिंपळगाव बसवंत येथे काही कामानिमित्त मोटारसायकल क्र. (एम.एच.१५ एच. डब्ल्यू ६२७०) ने जात होता. दावचवाडीपुढे जाधव लॉन्सजवळ (एम.एच.०७ सी ९१०५) या एसटी बसला ओलंडून पुढे जाण्याचा प्रयत्न करताना समोरून निफाड बाजूकडे भरधाव वेगाने जाणाऱ्या चारचाकी वाहन क्र. एमएच ०४ ई.टी. ४८५२ ने संतोषच्या
मोटरसायकलला जोराची धडक दिल्याने तो एसटीवर धडकला. यात संतोषचे डोके व शरीराचा काही भाग एसटीच्या चाकाखाली आल्याने त्यांचा मृत्यू झाला.
दरम्यान, बसचालक हेमंत आचारे यांनी पिंपळगाव पोलीस ठाण्याला (Pimpalgaon Police Station) खबर दिली. मृत संतोषला आठ महिन्याचा मुलगा आहे. त्याच्या पश्चात पत्नी, आई, वडील, दोन भाऊ असा परिवार आहे. संतोषच्या मृत्यूने पंचकेश्वर देवपूर येथे हळहळ व्यक्त होत आहे. ज्या ठिकाणी अपघात झाला, तो रस्ता अरुंद असून एका बाजूला झुडपे व वळण आहे. त्यामुळे येथे दोन वाहने पास होतांना अनेकदा अपघात होत आहेत. निफाड सार्वजनिक बांधकाम विभागाने वाढलेली झुडपे व रस्त्यावर पडलेले खड्डे याकडे दुर्लक्ष केल्याने वारंवार असे अपघात (Accident) होत आहेत.
