नाशिक | Nashik
जुने नाशिक परिसरातील (Old Nashik Area) दूध बाजार भद्रकाली पोलीस ठाणे शेजारील मतदान केंद्रावर महायुतीच्या उमेदवार देवयानी फरांदे दाखल झाल्यावर त्यांनी लोकांशी बोलण्यास सुरुवात केली. त्याचवेळी महाविकास आघाडीचे ठाकरे गटाचे उमेदवार वसंत गीते (Vasant Gite) दाखल झाल्यामुळे तणाव निर्माण झाला होता. यावेळी पोलिसांनी मध्यस्थीती करून फरांदे यांना तिथून बाहेर काढले. त्यामुळे वादविवाद टळला,मात्र तणावपूर्ण परिस्थिती कायम आहे.
दरम्यान, लोकसभा मतदानाच्यावेळी देखील भाजपच्या आमदार देवयानी फरांदे (Devyani Pharande) आणि वसंत गीते आमनेसामने आले होते. त्यावेळी दोघांमध्ये हमरीतुमरी देखील झाली होती. मात्र, पोलिसांनी मध्यस्थी केल्याने वाद टळला होता. त्यानंतर आता विधानसभा निवडणुकीच्या वेळी पुन्हा एकदा गीते आणि फरांदे आमनेसामने आल्याचे पाहायला मिळाले.
देशदूतच्या व्हाट्सॲप ग्रुपला जॉईन होण्यासाठी लिंकवर क्लिक करा
