नाशिक रोड | प्रतिनिधी | Nashik Road
येथील दुर्गा उद्यान समोर असलेल्या स्टार प्लस मॉलला (Star Plus Mall) आग (Fire) लागल्याची घटना घडली आहे. त्यामुळे संपूर्ण मॉल बंद करण्यात आला आहे. या घटनेमुळे एकच खळबळ उडाली आहे.
- Advertisement -
मिळालेल्या माहितीनुसार, आग लागल्यानंतर मॉलमध्ये असलेल्या रुग्णालयातील (Hospital) रुग्णांची पळापळ झाली असून, त्यांना इतर ठिकाणी हलविण्यात आले आहे. तर या आगीत संपूर्ण मॉल धुराच्या काळोख्यात सापडला आहे.
दरम्यान, घटनास्थळी अग्निशामक दलाचे (Firefighters) बंब दाखल झाले असून, याठिकाणी प्रचंड गर्दीमुळे आग विझविण्यास अडथळा येत आहे. तसेच या आगीमध्ये तीन वाहने जळून खाक झाली असून, यात एका रुग्णवाहिकेचा देखील समावेश आहे. सदरची आग ही बेसमेंटला लागली आहे.
