मखमलाबाद येथे अज्ञाताकडून दुचाकीची जाळपोळ

मखमलाबाद : येथील परिसरात बुधवारी पहाटे दिडच्या सुमारास पार्किंगमध्ये लावलेली दुचाकी जाळण्यात आल्याची घटना घडली आहे. फाेटाेग्राफर नेमिनाथ जाधव यांची दुचाकी असून याप्रकरणी म्हसरूळ पाेलीस ठाण्यात गुन्हा दाखल करण्यात आला आहे.

दरम्यान परिसरातीलच संशयित सुशांत साेनवणे याने ही दुचाकी जाळल्याची प्राथमिक माहिती आहे. संशयित सोनवणे गायब असून या घटनेत जाधव यांच्या घराच्या खिडकीच्या काचा, बाजेचे नुकसान झाले आहे.

शहर परिसरात समाजकंटकांकडून दुचाकी जाळण्याचे प्रकार कायम घडत असून या प्रकाराला काही अंशी आळा बसला होता. परंतु पुन्हा या प्रकाराने डोके वर काढल्याने नागरिकांमध्ये दहशतीचे वातावरण निर्माण झाले आहे.