नाशिक | प्रतिनिधी | Nashik
महिला कर्मचाऱ्यांचा (Women Employees) मानसिक व लैंगिक छळाचा आरोप असलेल्या जिल्हा परिषदेतील एका वरिष्ठ विभागप्रमुखाला निलंबित करण्यात आहे तर दुसऱ्या एका अधिकाऱ्याला सक्तीच्या रजेवर पाठवण्याची घोषणा काल विधिमंडळात ग्रामविकास मंत्री जयकुमार गोरे (Jaykumar Gore) यांनी केली.
संबंधित विभागप्रमुख (Department Head) गेल्या दहा ते पंधरा वर्षांपासून एकाच ठिकाणी कार्यरत होते. दरम्यान, अधिकाराचा गैरवापर करून महिला कर्मचाऱ्यांचा मानसिक व लैंगिक छळ (Sexual Harassment) केल्याचा त्यांच्यावर आरोप आहे.
या प्रकरणी वाढत्या तक्रारीच्या पार्श्वभूमीवर राज्य महिला आयोगाचे अध्यक्ष रूपाली चाकणकर (Rupali Chakankar) यांनी संबंधित अधिकाऱ्याविरुद्ध कारवाईची मागणी (Demand) केली होती. त्यांची चौकशी सुरू असतांना संबंधित अधिकाऱ्याला सक्तीच्या रजेवर पाठवण्यात आले होते.
