नवी दिल्ली | New Delhi | वृत्तसंस्था
बांगलादेशची (Bangladesh) राजधानी ढाकामध्ये (Dhaka) हवाई दलाचे F-7 BGI विमान शाळेवर (School) कोसळल्याची घटना घडली आहे. या घटनेमुळे सर्वत्र खळबळ उडाली आहे. विमान कोसळल्याने मोठा स्फोट झाला. त्यानंतर लागलेल्या आगीमुळे लोकांची एकच धावाधाव झाली आहे.
मिळालेल्या माहितीनुसार, हे विमान ढाका येथील उत्तर भागातील माईलस्टोन स्कूल अँड कॉलेजच्या आवारात कोसळले. या दुर्घटनेत आतापर्यंत एकाचा मृत्यू (Death) झाल्याची माहिती तेथील अग्निशमन यंत्रणेकडून देण्यात आली आहे. तर चार जण जखमी झाल्याचे समजते.
दरम्यान, ढाका शहरातील एका कॉलेज कॅम्पसमध्ये हे विमान कोसळले (Plane Crash) आहे. बांगलादेश हवाई दलाचे हे ट्रेनिंग एअरक्राफ्ट असल्याचे बोलले जात आहे.
