टेम्पो-स्कुटीच्या अपघातात आजी-आजोबांसह नातू जखमी

करजगाव |वार्ताहर| Karajgav

नेवासा (Newasa) तालुक्यातील करजगाव लांडेवाडी-सोनई रस्त्यावर आयशर टेम्पो व स्कुटीच्या अपघातात (Tempo And Bike Accident) आजी-आजोबासह नातू जखमी (Injured) झाला असून नातू गंभिर जखमी झाला आहे. करजगावहून सोनईकडे आजी-आजोबा व नातू स्कुटीवरुन (एमएच 17 बीओ 1224) जात होते तर आयशर टेम्पो (एमएच 15 एफव्ही 7896) सोनईकडून करजगावच्या दिशेने येत होता.

यावेळी करजगाव येथील कंक, पुराणे, मदने वस्तीवरील ग्रामस्थांनी जखमीना मदत कार्य केले. गंभीररित्या जखमी झालेल्या नातवाला पुढील उपचारासाठी नेण्यात आले आहे. जखमी झालेले आजी-आजोबा हे मिरी (ता. पाथर्डी) येथील असल्याचे कळते.