सुपा |वार्ताहर| Supa
पारनेर, हंगा, लोणी हवेली व पंचक्रोशीतील जीवनदायिनी समजली जाणारा हंगा तलाव वरुणराजाच्या कृपेने
पूर्ण क्षमतेने भरला असून त्याचे जलपूजन शनिवारी आमदार निलेश लंके यांच्या हस्ते करण्यात आले.
गेले अनेक वर्षात हा तलाव ठराविक वेळीच भरला गेला आहे. गेल्यावर्षी या तलावातील माती उपसा झाल्यामुळे तलावाचा पाणीसाठा विस्तृत प्रमाणात वाढला आहे. पारनेर शहराला पुरवला जाणारा पाणीपुरवठा याच तलावातून होत असतो.
पूर्ण क्षमतेने भरलेल्या हंगा तलावामुळे पंचक्रोशीतील अनेक हेक्टर क्षेत्र हे ओलिताखाली येत आहे. शेतकरी बांधवांच्या हुकमी पिकांचा पाणी प्रश्न यामुळे सुटणार आहे.तसेच पारनेर व हंगा गावालाही पिण्याच्या पाण्यासाठी पूर्ण दाबाने पाणीपुरवठा या तलावाच्या माध्यमातून या पुढील काही महिन्यांत करता येईल.
76.50 चौरस किलो मीटर पाणलोट क्षेत्र असणार्या या हंगा नदीवरील साठवण धरणाची क्षमता 66.67 दशलक्ष घनफूट इतकी असून उपयुक्त पाणीसाठा 47.48 दशलक्ष घनफूट इतका आहे. तर या तलावाचा मृतसाठा 17.19 इतका असून यामध्ये बुडीत क्षेत्र 50.50 हेक्टर इतके आहे. या धरणाच्या माध्यमातून किमान 226 हेक्टर सिंचन क्षेत्र असून धरणाची उंची 15.81 मीटर आहे. तर धरणाची लांबी 390 मीटर इतकी आहे.
1972 च्या दुष्काळात सुरू झालेल्या या धरणाचे काम 1978 मध्ये पूर्णत्वाला गेले असून तेव्हापासून लोणी हंगा व पारनेर येथील शेतकरी बांधव व ग्रामस्थांना पिण्याच्या व शेतीच्या पाण्यासाठी जीवनदायी ठरलेल्या या हंगा तलावाचा जलपूजन समारंभ आमदार लंके यांच्या हस्ते पार पडला.
या जलपूजन सोहळ्यासाठी आ. लंके यांच्यासमवेत हंगाचे सरपंच रामदास साठे, राजेंद्र शिंदे, अशोक घुले, चंद्रकांत मोढवे, नगरसेवक डॉ. मुदस्सर सय्यद, दिनेश औटी, किसन गंधाडे, साहेबराव देशमाने, नंदकुमार देशमुख यांच्यासह सतीश दळवी, तुकाराम नवले, संदीप शिंदे, विजय औटी, प्रा. लाकुडझोडे, श्रीकांत चौरे, डॉ. कावरे, राजू खोसे, भाऊ रासकर, किशोर थोरात, सुभाष ठोंबरे, उमाताई बोरुडे, वैजंता मते, सुनीता बोरुडे, बाळासाहेब नगरे, बबन चौरे, डॉ. सादिक राजे, संतोष ढवळे, नंदू सोंडकर, सुहास नगरे, राजू दळवी, दादा दळवी, कुकडी प्रकल्पाचे उपकार्यकारी अधिकारी वाळके साहेब भांगरे, संदीप पवार यांच्यासह हंगा पारनेर व पंचक्रोशीतील अनेक सरपंच, उपसरपंच, सेवा सोसायटीचे चेअरमन, निलेश लंके प्रतिष्ठान व राष्ट्रवादी काँग्रेस पार्टीचे अनेक पदाधिकारी व ग्रामस्थ यावेळी मोठ्या संख्येने उपस्थित होते.
