शिव महापुराण कथाकार पं.प्रदीप मिश्रा २२ एप्रिलला नंदुरबारात

नंदुरबार | प्रतिनिधी- NANDURBAR

माजी आमदार तथा शिवसेना शिंदे गटाचे संपर्कप्रमुख चंद्रकांत रघुवंशी (Chandrakant Raghuvanshi) व उद्योजक मनोज रघुवंशी यांनी आज सिहोर (Sehore) येथे शिव महापुराण कथाकार पं.प्रदीप मिश्रा यांची भेट घेतली. पं.मिश्रा यांच्या हस्ते दि.२२ एप्रिल रोजी अक्षयतृतीयेच्या मुहूर्तावर छत्रपती मल्टीस्पेशालिटी हॉस्पीटलचे उद्घाटन करण्यात येणार आहे.

उद्घाटनाचे निमंत्रण देण्यासाठी माजी आमदार चंद्रकांत रघुवंशी व उद्योजक मनोज रघुवंशी यांनी आज सिहोर येथे श्री विठ्ठलेश सेवा समितीचे शिव महापुराण कथाकार पं.पंडित मिश्रा यांची भेट घेतली. उद्घाटनाचे निमंत्रण पंडित मिश्रा यांनी स्वीकारले. यावेळी पंडित मिश्रा यांनी माजी आमदार चंद्रकांत रघुवंशी, उद्योजक मनोज रघुवंशी, योगी रघुवंशी,माजी नगरसेवक दीपक दिघे यांचा गमछा देऊन सत्कार केला.