कोल्हापूर । Kolhapur
महापुरुषांच्या अवमान प्रकरणामुळे कळंबा कारागृहात असलेला प्रशांत कोरटकर याची अखेर सुटका झाली आहे. दोन दिवसांपूर्वीच त्याला जामीन मंजूर झाला होता, मात्र शासकीय सुट्ट्यांमुळे त्याची सुटका लांबली होती. शुक्रवारी, सर्व प्रक्रिया पूर्ण झाल्यानंतर त्याला कारागृहातून मुक्त करण्यात आले.
कोरटकरला कोर्टाने जामीन मंजूर केला होता, मात्र शासकीय सुट्ट्यांमुळे त्याची कारागृहातून सुटका होऊ शकली नव्हती. शुक्रवारी, न्यायालयीन कागदपत्रांची पूर्तता झाल्यानंतर त्याला अधिकृतपणे मुक्त करण्यात आले. प्रशांत कोरटकरच्या वकिलांनी कोल्हापूर जिल्हा सत्र न्यायालयात संबंधित सर्व कागदपत्रे सादर केली. यामध्ये जामिनाची ऑर्डर, जात-मुचलक्याचे पुरावे, आणि पोलिस संरक्षणासाठी अर्ज यांचा समावेश होता. ही सर्व कागदपत्रे सादर केल्यानंतर कोरटकरच्या सहाय्यक वकिलांनी कारागृह प्रशासनाकडे जामिनाची अधिकृत ऑर्डर सादर केली आणि त्याची सुटका करण्यात आली.
कोरटकरला जेलमधून बाहेर पडल्यानंतर पोलीस बंदोबस्तात त्याच्या घरी नेण्यात येणार आहे. त्याला भविष्यात कोणतीही अनुचित घटना घडू नये म्हणून पोलिस संरक्षण दिले जाणार आहे. यापूर्वी कोर्टात हजर करताना त्याच्यावर दोन वेळा हल्ला झाला होता, त्यामुळे पोलिस प्रशासन अधिक सतर्क आहे. कोरटकरची सुटका अत्यंत गोपनीय पद्धतीने करण्यात आली. कोल्हापूर पोलिसांनी जुना राजवाडा पोलिस ठाण्यात अर्जावर सहमती दर्शवली आहे. याअंतर्गत कोरटकरला पोलिस संरक्षणात जिल्ह्याबाहेर हलवले जाणार आहे. पोलीस यंत्रणा कोणतीही गडबड होऊ नये म्हणून काळजीपूर्वक नियोजन करत आहे.
प्रशांत कोरटकरवर महापुरुषांच्या अवमानाचा आरोप असून, त्याच्या विरोधात तक्रारी दाखल झाल्या होत्या. त्यामुळे त्याला अटक करण्यात आली होती. कारागृहात असतानाही त्याच्या सुरक्षेबाबत चिंता व्यक्त केली जात होती. त्यावरूनच त्याला जामीन मिळाल्यानंतर पोलीस संरक्षणात हलवण्याचा निर्णय घेण्यात आला. कोरटकरची सुटकाजामिनावर झाली असली, तरी त्याच्या सुरक्षिततेसाठी पोलिस प्रशासन अधिक दक्ष आहे. यापुढील न्यायालयीन प्रक्रिया, तपास आणि इतर हालचालींवरही सर्वांचं लक्ष केंद्रित झालं आहे.
